Новости
Ә. Х. Марғұлан атындағы Археология институтының ғылыми қызметкері Б. М. Хасенова, Р. Т. Дарменов және «Ежелгі Тараз ескерткіштері» мемлекеттік тарихи-мәдени музей-қорығының бас қор сақтаушысы Алимханова Ұлбосын «Қарлұқтар торевтикасы: көркемдік дәстүрлер мен технологиялар» жобасы аясында бірлесіп ғылыми-зерттеу жұмыстарын жүргізуде.
Жоба барысында музей қорындағы металдан жасалған әйел әшекейлері зерттеліп, суретке түсірілді.
Сондай-ақ, ерте темір дәуірінен бастап этнографиялық кезеңге дейінгі жерлеу орындарынан табылған әйел металл әшекейлерімен салыстыра отырып, олардың сабақтастығы анықталып жатыр.
Құнды мәліметтерді жинақтап, деректер базасын қалыптастыру – жобаның басты мақсаты.
Біз екі ұжым арасындағы ғылыми ынтымақтастық осылайша сәтті жалғасын табады деген сенімдеміз!
11 Июнь 2025
722
Ежелгі Тараз ескерткіштері музей-қорығының тарихшысы Ақдидар Жәнібекқызы “Асыл қазына” радиохабарының қонағы болды!
Сұхбат барысында Ақдидар Жәнібекқызы ортағасырлық Меркі қалашығының бай тарихына терең тоқталды:
1. Меркі қалашығының тарихи маңызы – Жібек жолының маңызды бекініс нүктесі ретінде сауда мен мәдени байланыстардың дамуына зор үлес қосқан.
2. Археологиялық қазбалар нәтижесі – Қалашықтан табылған қыш ыдыстар, құрылыс іздері және тұрмыстық заттар сол дәуірдің өмір салтын айқындап берді.
3. Табылған жәдігерлер – Негізінен ортағасырлық кезеңге жатады. Олардың ішінде сәндік қыш ыдыстар мен тас құрылыс қалдықтары ерекше көзге түседі.
4. Түркі кезеңінің ескерткіштері – Аймақта түркі тайпаларының мәдениеті мен дінін паш ететін балбал тастар да сақталған.
5. Қалашық құрылымы – Қорғаныс дуалдары, қоныс-жайлар, мешіт және керуен-сарай орындары – Меркі қалашығының дамыған қала мәдениетінің куәсі.
6. Қалашықтың иелері – Меркі Қарлұқ, Түргеш және Қараханид дәуірлерінде әр кезеңде маңызды рөл атқарған.
7. Ислам дінінің таралуы – Қалашықтағы мешіт қалдықтары мен діни рәміздер ислам дінінің орнығу кезеңін растайды.
Тың мәліметтерді радиохабардан тыңдаңыз!
Меркі қалашығы – тарих пен мәдениеттің алтын қазынасы!
11 Июнь 2025
577
Құрметті достар!
Тараздың ежелгі мұраларына сапарлауға дайынсыз ба? Ежелгі Тараз ескерткіштері тарихи-мәдени музей қорығына қарасты нысандарда заманауи 3D үлгісіндегі ақпараттық тақтайшалар жаңартылды!
Енді сіз кесенелердің аңыздарын QR-код арқылы көре аласыз. Сонымен қатар, әр нысанның нақты жол картасын QR-кодпен оңай жүктеп алуға болады.
Саяхаттарыңыз сәтті болсын! Тараздың тарихы мен мәдениеті әрқашан қымбат!
10 Июнь 2025
639
Бүгін Ежелгі Тараз ескерткіштері тарихи-мәдени музей-қорығының “Ғылыми қызмет және ескерткіштерді қорғау бөлімінің” тарихшысы Улжан Қаныбекқызы Айша бибі кесенесі мен Бабаджахатун кесенесіне мониторинг жүргізді.
Алдағы уақытта жүргізілген мониторингтің нәтижелері бойынша есеп дайындалатын болады.
Біздің мәдени мұрамыз – тарихымыздың айнасы!
05 Июнь 2025
654
Құрметті отандастар!
Бүгінгі Рәміздер күні – халқымыздың рухын, бірлігін айқындайтын, тәуелсіздігіміздің ең маңызды нышандарын ардақтайтын мереке! Қазақстанның көк байрағы, еңселі елтаңбасы мен жүректі тебірентер әнұраны – әрқайсымыздың мақтанышы. Осы қасиетті рәміздеріміздің мәртебесі биік, елдік бірлігіміз нығайып, болашағымыз баянды болғай!
Рәміздер күні құтты болсын! Еліміз аман, жұртымыз тыныш болғай!
04 Июнь 2025
656