Новости
Бүгін Taraz24 телеарнасында “Ежелгі Тараз ескерткіштері” музей-қорығында өткен ерекше шара
туралы арнайы сюжет жарық көрді! Сюжетте “Таңбалы” мемлекеттік тарихи-мәдени және табиғи
музей-қорығының ұйымдастыруымен ашылған
“Таңбалы шатқалындағы қола дәуірінің қорымдары” атты жылжымалы көрменің ашылу сәті көрсетілді.
Көрме барысында көрермендер қола дәуіріндегі жерлеу мәдениеті мен ғұрыптық дәстүрлерге қатысты
құнды археологиялық экспонаттармен танысты. Тарихқа терең бойлап, бабаларымыздың мәдени мұрасын
көзбен көруді қаласаңыз – бұл сюжетті міндетті түрде көріңіз!
17 Июль 2025
148
Бүгін Ежелгі Тараз ескерткіштері мемлекеттік тарихи-мәдени музей-қорығында «Таңбалы» мемлекеттік
тарихи-мәдени және табиғи музей-қорығының ұйымдастыруымен «Таңбалы шатқалындағы қола дәуірінің
қорымдары» атты жылжымалы көрменің ашылу салтанаты өтті.
Көрме барысында қола дәуіріндегі жерлеу рәсімдері мен ғұрыптық дәстүрлерге қатысты құнды
экспонаттар жұрт назарына ұсынылып, ежелгі мәдениеттің терең тарихына үңілуге мүмкіндік берілді.
Шараға “Белсенді ұзақ өмір сүру” орталығының мүшелері, тарихшылар мен БАҚ өкілдері арнайы қатысып,
көрмеге зор қызығушылық танытып, ұйымдастырушыларға ұсыныс-пікірлерін білдірді.
16 Июль 2025
159
Бүгін «Ежелгі Тараз ескерткіштері» тарихи-мәдени музей-қорығының “Ғылыми бөлім және
ескерткіштерді қорғау” бөлімінің қызметкерлері Ақыртас археологиялық сәулет кешенінде мониторинг
жұмыстарын жүргізді.
Мониторинг барысында кешен аумағындағы археологиялық және сәулеттік құрылымдардың қазіргі
жай-күйі зерттеліп, табиғи және адам факторларынан туындайтын зақымдану белгілері тіркелді.
Мұндай жұмыстар ескерткіштердің сақталуын қамтамасыз ету, оларды жүйелі түрде бақылап отыру
және алдағы ғылыми-реставрациялық шараларды жоспарлау мақсатында тұрақты түрде жүзеге асырылады.
Тарихи мұрамыз – ұрпаққа аманат. Оны қорғау – ортақ міндет!
15 Июль 2025
170
“Ежелгі Тараз ескерткіштері” мемлекеттік тарихи-мәдени музей қорығына қарасты «Бабаджа Хатун» кесенесіне бүктеме парағы дайындалды.
Ақпаратты ұсынушы “Ғылыми қызмет және ескерткіштерді қорғау” бөлімінің қызметкерлері. Көркемдік тұрғыдан безендірген “Қор сақтау және есепке алу” бөлімінің дизайнері - Г. С. Әбдібекова.
11 Июль 2025
723
Ежелгі Тараз ескерткіштері тарихи-мәдени музей-қорығының қызметкерлеріне интернет алаяқтықтың алдын алу мақсатында ақпараттық түсіндіру шарасы өтті.
Шара барысында:
• Интернет арқылы жасалатын алаяқтықтардың түрлері,
• Қорғану жолдары туралы кеңестер берілді.
Мақсат – құқықбұзушылықтың алтын алып, қоғамда киберқауіпсіздік туралы түсінікті арттыру.
Қауіпсіздігіңіз – өз қолыңызда!
10 Июль 2025
807