Қазақстан Республикасы Мәдениет және ақпарат министрлігінің «Ежелгі Тараз ескерткіштері» мемлекеттік тарихи-мәдени музей-қорығының «Ғылыми қызмет және ескерткіштерді қорғау» бөлімінің кіші ғылыми қызметкері Гүлмарал Үшкемпірқызы Шерхан Мұртаза атындағы халықаралық университет білімгерлеріне «Жалпақтөбе қалашығы» тақырыбында танымдық дәріс оқыды. Дәріс барысында музей-қорыққа қарасты республикалық маңызы бар 30 тарихи-мәдени ескерткіштің тарихы, археологиялық ерекшеліктері мен сол ескерткіштерге байланысты аңыз-әңгімелер айтылды.  Бұл кездесу — жастардың тарихи сана-сезімін оятып, ұлттық мұраны қадірлеуге бағытталған маңызды қадам болды.

     Бірлік күніне орай “Тарих толқынындағы Тараз” жылжымалы көрмесі өтті! Бүгін Тараз қаласындағы №3 Өзбек мектебінде «Ежелгі Тараз ескерткіштері» тарихи-мәдени музей-қорығымен бірлесіп ұйымдастырылған “Тарих толқынындағы Тараз” атты жылжымалы көрме өтті.Іс-шара аясында мектеп оқушылары арасында зияткерлік жарыс ұйымдастырылып, көрменің мазмұны оқушылардың қызығушылығын арттырды.Көрмені «Ежелгі Тараз ескерткіштері» тарихи-мәдени музей-қорығының экскурсоводы Фариза Жұмағұлова таныстырып, оқушыларға аймақтағы тарихи ескерткіштер жайында қызықты мәліметтермен бөлісті.Шараның мақсаты – оқушылардың дүниетанымын кеңейтіп, тарихқа деген қызығушылығын ояту, ортағасырлық қалалар мен сәулет өнерін таныту, сондай-ақ ежелгі жәдігерлердің мән-маңызын түсіндіру болды.#БірлікКүні #ТарихТолқынында #ЕжелгіТараз #ЖылжымалыКөрме #МәдениМұра #ЖасұрпақЖадында