«Ұлы қазақ ойындары» атты фестиваль
22 Наурыз 2023
419
Ағымдағы жылдың 20 наурыз күні Шымкенттің Бозарық елдімекенінде салынған жаңа атшабарда Great Qazaq Games — «Ұлы қазақ ойындары» атты фестиваль басталды. Этнофестиваль төрт бағыт бойынша өтіп, Ұлыстың Ұлы күні — Наурыз мейрамына арналған. Аталмыш іс-шараға Шымкент қаласының әкімі, аудан әкімдері қатысты.
Great Qazaq Games ұлттық ойынына 17 облыс пен республикалық 3 ірі қаладан қонақтар қатысты. Іс-шара барысында барлық келген қонақтар үшін ипподром жанынан сауда алаңдары, ұлттық тағамдары бар мекемелер, әртістер мен сәнгерлерге арналған сахналар, балалар мен ересектерге арналған ойын-сауық алаңдары, сондай-ақ шеберлік сағаттары, қолөнершілердің көрмелері мен жәрмеңке өткізілетін 160 киіз үйден тұратын этникалық ауыл ашылды.⠀
Бұл жиынға Қазақстан Республикасының Мәдениет және спорт министрлігі Мәдениет комитетінің «Ежелгі Тараз ескерткіштері» мемлекеттік тарихи-мәдени музей-қорығының қор сақтаушысы — Әлімханова Ұлболсын қатысып, музейдің құнды әрі бірегей экспонаттарын жасақтады.
Great Qazaq Games бірегей жобасы Мәдениет және спорт министрлігі, Сыртқы істер министрлігі, Шымкент қаласы әкімдігі мен құрылыс компаниясының қолдауымен жүзеге асты.
16 Қараша 2019 
